Inagura estatua primeiru Presidente da Republika Timor Leste

Prezidente Francisco Lu-Olo Inagura Monumentu Primeiro Prezidente da RDTL Francisco Xavier do Amaral

Iha eventu ne’e  PR Francisco Guterres Lu-Olo iha nia diskursu hateten inagurasaun ba momentu ida ne’e hodi fó omenagen ba saudozu Francisco fo  actu solene nudar prezidente ba dala uluk.

“hanesan  PR mos sai hanesan portavóz ba povu  Timór tomak hodi rekoñese knaar hotu ne’ebé uluk DR.Francisco Xavier do Amaral hala’o ba nasaun ida ne’e”  hateten PR iha nia diskursu iha rotunda CCD (20/05) foin lalais ne’e

Nia hatutan “ohin ita harii monumentu monument ida tan ne’e fó ba Pátria, fo ba mundu i no sai hanesan lembransa ida kona ba ita-nia saudozu Dr.Francisco Xavier do Amaral homenagem ne’e la’os ba ita nian deit maibe ba mós nasaun RDTL nia ba Liberdade no ba Demokrasia iha ita nia rai”

Entretantu Ministru de Conselheiro e Ministro Planeamento e Investimento Estratégico MPIE,Sr Kay Rala xanana Gusmão husu ba timor oan tomak tenke hakruuk ba luta na’in   sira durante iha ai-laran  hanesan  Francisco Xavier Amaral halo proklamasaun ba independensia iha tinan 1975.

“nu’udar sidadaun timor oan ita hotu tenki hakruuk ba fundador hotu hanesan  Francisco Xavier do amaral Marí Alkatiri, Ramos horta no seluk ne’ebé la iha ona , tamba sira fundador uluk hau lae, uluk hau jornalista kritika Fretilin, liu tinan ida mak foin hamutuk ho sira (Fretilin-red)”esklarese Xanana iha nia diskursu .

Iha fatin hanesan fundadores da ASDT/FRETELIN,Dr. Mari Alkatiri mos hateten  Francisco Xavier do Amaral mak hanesan ponte ida ne’ebe konsege halibur ema hotu iha fatin ida de’it  no salva ema no liu husi ligasaun oi-oin.

“Francisco Xavier do Amaral mak hanesan ponte ida ne’ebé  konsege halibur ema hotu iha fatin ida tanba nia iha razaun barak.razaun ida ne’e husi nia aan rasik parte seluk nia mos nu’udar social kultural rai timor ninian” informa amigo ne’e.

Entretantu familia husi Francsico  Xavier do Amaral sente orgulho no hateten la’os simbolu ba familia de’it maibé hanesan simbolu ida orgullu no lori koñesementu ba nia espiritu Nasionalismo no Patriotismo hodi fó korazen ba umanismo no Simplesidade Pasiensia no Dignidade,Lealidade  no Responsabilidade,Solidariedade no respeitu ba Integridade no Unidade Nasional.** Gally**